資 料 館

究竟老闆娘係.....?

本店老闆娘係一個廿多歲,係英國留完學既香港女仔。而至於飲奶茶既興趣呢,係由細到大跟 (女麻) (女麻) 去同人飲下午茶得嚟既,再加上留左係呢度好幾年,就愈嚟愈鍾意飲嘞!基本上我既朋友都話我係奶茶怪魔 ... ~_~"

各位,千其唔好見到個店名就以為我同某一間化妝品連鎖店有關,若然我真係同佢有關,我就唔使係度發白日夢啦,仲唔拿拿林咁走去開間真既茶店咩 ...叫莎莎紅茶館,只不過係老闆娘既英文名係有個 " Sa" 字。又唔好以為同人家 "雙生兒" 有關,係老闆娘出世既時候,佢爸爸幫佢改左個英文名,叫 Lisa。 睇清楚,係 "SA" 唔係 "ZA", 即係同亞汪阿姐唔同既。

姓名: Po Shan,Lisa

生日日期:六月六日

老闆娘生長係一個十分開心既家庭入面。有一個肥爸爸同一個肥媽媽,仲有一個哥哥添。我既肥爸爸就有一個契女,咁好順理成章,老闆娘就有一個好鍚自己既家姐嘞。各位可能係老闆娘既私日記入面見到我講我有個小妹芝芝既,佢唔係我親細妹,之不過呢我地就情如姐妹既。好多野都係佢教我架。

不過老闆娘讀書唔係咁叻,所以讀完中學之後就嚟左英國嘞。咁講吓我所讀過既學校啦。

幼稚園: GuidePosts Kindergarten 佳寶幼稚園

小學: S. K. H. St. Clement's Primary School 聖公會聖紀文小學

中學: Holy Trinity College 寶血會上智英文書院

繼而因為老闆娘細個嗰時唔識諗,唔肯讀書,所以攪到升唔到中六囉,跟住就入讀左我呢一生人讀得最開心既學校嘞。

文憑課程: Hong Kong Institute of Vocational Education (HKIVE)香港專業教育學院沙田分校工商管理系

老闆娘頭先都講過啦,係香港專業教育學院就讀得最開心,識左一大班好朋友之餘,而成績亦都唔太差,所以老闆娘呢就好成功咁考到英國既大學嘞。

大學學士: University of Salford 英國索福特大學

大學碩士: University of Liverpool 英國利物浦大學