Archive for the '201005 五傻澳門爆笑行' category

【五傻澳門行之二】

 | May 30, 2010 23:02

10年5月30日 星期日 雨

今日起身,個天都係灰灰的,不過都無損五傻既心情,起左身都係酒店吹水一大餐,笑死呀!哈哈∼∼之後當然係去醫肚先啦!去左王枝記食麵麵,正呀!仲加多杯熱奶茶添!哈哈∼∼(不過多奶左少少同埋,佢地唔知咩叫茶走囉),食飽又行下又去賭場!今日亞莎終於都賭佢人生既第一次(之前賭過一次波啦係英國),入賭場賭真係第一次呀!玩左一個叫「花旗骰」既「遊戲」,都幾搞笑架!哈哈∼∼∼仲比亞莎嬴左添,已經夠哂開心啦!哈∼∼

玩完出嚟又去食野!去左三盞燈個邊食緬甸咖哩,不過係唔太咖哩既咖哩,但都 OK 架!唔錯,之後又去玩過!食飽就去買手信啦,因為天雨關係,都冇玩得太夜,買埋手信都坐船走啦!

呢兩日真係玩得好開心好興奮呀!五傻幾時會再出動過呢?哈哈∼∼∼

【五傻澳門行之一】

 | May 29, 2010 23:01

10年5月29日 星期六 雨

終於都等到今日既來臨啦!今日係五傻澳門行之日,亞莎先約左亞翹係地車站等,再去到上環會合三傻,五傻之行就開始啦!

首先上到船比亞莎佢地見到條 Mr. 蕉,勁好笑囉!佢仲係船上面行左一個圈,勁爆笑!勁在佢仲要著住件蕉衫過關,真係唔知佢點過囉!

去到當然係醫肚先啦!一野就去祥記食蝦子撈啦!正呀!不過超多人同唔平囉!因為錢同個份量相比係差太遠啦!唔係一年先食個一次,真係唔會去食囉!雖然真係幾好味架都!

之後就返酒店先啦,放低野,等嬸嬸幫亞莎佢地加埋床就再出發啦!今次呢個澳門行係亞莎去得最多賭場同埋第一次賭錢之旅呀!嘻嘻∼∼∼

不過係賭場出嚟就落狗狗啦,好在亞莎有把遮係身,而三傻都有一把遮(因為去到澳門個時係超好太陽,係酒店放低野就連遮都放埋)囧!之後就打的過左氹仔食公雞,真係好好味喎,多謝 Da Da 既介紹呀!唔錯唔錯!哈哈∼∼

食完再周圍行周圍去,不過因為都係落雨天既關係,行完賭場,再去左義記嘆杯木瓜奶都返酒店啦!

Bad Behavior has blocked 1574 access attempts in the last 7 days.