Archive for the '201201 莎府一家廈門行' category

【廈門之旅 Day 4】

 | January 9, 2012 23:12

12年1月9日 星期一

眨眼就最後一日, 因為第二日兩個都要返學, 加上哥哥都要返工, 所以亞莎佢地只係坐兩點幾機。早上就去買茶葉, 廈門出名既係鐵觀音, 不過亞莎佢地係飲開普洱既, 所以都係買普洱啦。好香同好平架都!其實都冇咩買咩今次個旅行, 不過亞莎買到好野, 一套醫神第一至第七季 complete series, 哈哈哈哈~~正到呢!

【廈門之旅 Day 3】

 | January 8, 2012 23:09

12年1月8日 星期日

今日第三日, 亞莎佢地去福建土樓, 上一次亞莎嚟既時候去左田螺坑土樓, 今次就去永定啦。不過真係呢, 識得做生意啦, 而家已經比上一次嚟既時候變左好多, 商業化左好多好多呢!坐左成差不多三個小時既車先到。即刻行行行啦!

永定既土樓就唔似田螺坑個個咁樣, 有四餸一湯, 但就一個包住一個咁, 唔同架。土樓既人都好好客, 就算你唔買野, 佢都會請你飲茶既。不過都真係好多人呀, 行下行下都係時間要返去, 因為今晚都係約左莎爸既朋友食飯呢!哈哈~~~ 今晚都係好豐富呢!好開心呀!當然都係唔少得按摩按摩啦~~~哈哈~~~

【廈門之旅 Day 2】

 | January 7, 2012 23:05

12年1月7日 星期六

瞓醒就出發去玩啦!今日就係廈門市入面玩下睇下先。先去左南普陀, 再行下環島路, 之後就過左中山路個邊食晏, 叫左尐小食, 魚丸, 冬粉鴨, 清湯麵等等大家分, 8個人食飽都只係$80個大洋!

之後就過海, 去鼓浪嶼, 都係行下睇下咁啦, 因為亞莎之前已經嚟過, 所以好多地方都冇咩點變既。兩個小朋友玩到攰都瞓左~~~亞莎佢地就…. 攰囉!

夜晚約左莎爸既朋友食飯, 亞莎第一次, 第一次食佛跳牆呀!好厲害呀!

【廈門之旅 Day 1】

 | January 6, 2012 23:01

 12年1月6日 星期五

今日話係星期五, 不過亞莎可以放早呀, 因為亞莎今日坐五點幾機飛廈門囉。今次仲係第一次同晞楠楠去旅行呀!因為咁, 就上廈門一齊探哥哥啦。亞莎係請左半日假, 不過都做到3點先走, 好努力咁做呢!趕趕趕呀!點知坐車途中就收到佢話要 delay 啦, 激死!等亞莎仲係咁趕趕趕添!

今次亞莎就同楠楠豬坐, 成程機一小時十五分, 楠楠個口冇停過~~~好多野講, 真係比佢激死呢!去到廈門哥哥都已經係度等亞莎佢地了。不過好多人等的士呢!返到酒店都九點幾啦, 好在仲有飯食。今次亞莎佢地住美麗華, 莎爸有朋友係個度做, 所以呢特別好呀!正常要成千蚊晚, 而家四百幾蚊就好得啦!因為食完野都已經10點幾, 所以亞莎佢地都冇去邊, 只係返上酒店房放好野, 就走左去…. 足浴加全身按摩, 超超超超超正呀!哈哈哈哈~~~~

Bad Behavior has blocked 146 access attempts in the last 7 days.