Archive for the '200704 亞莎大口首爾行' category

【韓國之旅-Day 5】

 | May 2, 2007 23:08

5月2日 星期三 晴

今日就係韓國之旅既最後一 Day 啦。亞莎同大口首先去 Coex Mall,因為亞莎佢地坐個架機可以係 Coex Mall 既 City Air Terminal 度做 Check in,咁就唔使拎住野行咁煩啦。

dsc06185r.JPG

搞掂好哂尐手續,亞莎佢地就去 Coex Aquarium,冇諗過,入面有海洋生物仲有其實古怪生物好似青蛙,大鱷等等...好嚇人呢!行完之後,本物諗住去同鯊魚共進午餐,不過亞莎唔記得,將本書放左入個喼度,根本唔知間野係邊,最終去左食日本野。

食飽再行下就過去機場。坐機場巴士都只係一個鐘左右,再係機場等多陣,打下機就過了。上到飛機先發現,原來回程除左食番一個鐘之外(時差),事實上係飛少一個鐘,所以8點飛(當地時間),香港時間10:30就到了。莎爸莎媽今日有事在身,亞莎自己坐巴士返屋企。返到屋企都已經夜晚12點,沖完涼,洗埋頭都要瞓啦。好在聽日請左假陪莎爸(莎爸生日),唔使一早起身,唔係真係唔掂囉。

【韓國之旅-Day 4】

 | May 1, 2007 23:45

5月1日 星期二 勞動節

今日係五一勞動節,韓國人都好似放假呢!銀行唔開,不過學生要返學,古怪古怪。

亞莎同大口今日去明洞,南大門同南山塔。先去明洞食個個餃子同拉麵,真係好好味呢,明洞真係好熱鬧,有好多人呢!之後亞莎同大口就搵上南山塔既纜車站,再上南山塔!不過上南山塔個纜車站都好辛苦,要上好多斜路呢!加上仲要落雨...好凍呀!小獅子都凍到唔想出嚟呀!亦都因為落雨,由南山塔睇出去個景變得好差,白濛濛咁,咩都睇唔到!

dsc05864r.JPGdsc05938r.JPG

落山個時先慘,又唔係唔知亞莎上落樓梯呀,斜路呀有陰影。落山個時,因為落左雨,成條斜路都好濕,大口千吩咐萬吩咐叫亞莎要小心唔好碌落山...激死人呀!sana1058742882.gif

之後就係由明洞行過去南大門買手信先。亞莎冇咩點買手信,就係等今日先去買,書話南大門抵尐,果然有好多野買。之後又行番過明洞,亞莎竟然係明洞既一間鋪入面又買到衫又買到耳環,仲買到頭夾比莎媽添呀!亞莎仲去左樂天超市買到獨立包裝既泡茶,終於都買到比龜姬佢地啦!仲買埋魚干添!正!

夜晚去左食有40年歷史既人參雞(當然亞莎冇食啦,大口話好味喎),亞莎食左個鮑魚粥囉。食飽再見有時間,去埋本身去唔到既清溪川添!個度真係幾靚架,不過亞莎同大口都唔係好明點解要用成港幣29億去做翻新,29愈喎,好多呢!

dsc05967r.JPG

再跟住亞莎同大口就去今日既最後一站,夜渡漢江啦。好似好有浪漫呢!其實就普通啦,因為個度太黑,黑到咩都睇唔到咁囉。之後就返酒店執行李,因為聽日一起身就去 Coex Mall 度 Check 左 in 先再行街,好攰呀!快尐還番對腳比亞莎呀!

dsc00667r.JPG

【韓國之旅-Day 3】

 | April 30, 2007 23:52

4月30日 星期一 陰

由於尋日去唔到樂天,亞莎同大口決定今日改去 Everland。先去坐地車,再轉巴士。今次個巴士就耐了,再坐45分鐘(話坐,不過全程都係企)。大口一向唔係好坐得巴士(第二個亞莫嚟 -_-"),去到佢有少少呆呆下!不過亞莎去到就真係呆了!諗住今日係星期一,應該唔會好多人,點知尐人好似唔使返學同返工咁,尐人多到嚇死人呢!去到已經大排長龍了。

入到去,亞莎同大口先睇下有咩玩。點知亞莎同大口一嚟就玩超級海盜船,點解係超級,因為香港個尐冇「Fing」到咁高架,成日人好似衝左上天咁架。大口翹到亞莎好實(因為佢坐最出,冇野可以比佢捉住既),哈哈∼∼∼

玩完之後再坐個小朋友過山車,因為大人個個亞莎同大口都唔會敢玩架啦。再去左坐下尐小朋友野,同埋睇動物。先係入面住吊車去動物園區,個度咩都有北極熊呀,蝙蝠呀個尐都有。仲係入面食左個晏,都幾好味,又唔叫做貴囉。

玩到夜,開始有尐雨,亞莎佢地就走了,冇等個煙花匯演就坐車出番市區。同圍咁行下再去左一次東大門買手信之類既野就返酒店,今日好攰呀!

dsc05792r.JPGdsc05814r.JPGdsc05820r.JPGdsc00565r.JPG

【韓國之旅-Day 2】

 | April 29, 2007 23:30

4月29日 星期日 晴

今日亞莎同大口一早起身就去參拜,拜咩?哈哈,其實去參觀「大長今」啫!

不過去個度都幾麻煩,亞莎同大口先坐地車去到「北議政府」再轉巴士,但係巴士一個鐘先得一班,去到走左架車,決定轉坐的士。去到已經好多人了。入面真係有好多大長今既野,話哂都係拍攝場地呢!仲有好多道具,其中好多都係野食嚟架。亞莎同大口都影左唔少相。個度有好多長今同閔大人既紙板公仔,亞莎同大口都有同佢地影架。哈哈∼∼∼∼

不過亞莎冇估過,原來個場景係幾「矮」既,唔知佢地尐人拍個時係咪要「烏」低個身既呢。好似尐門呀,個尐,好矮既呢!不過當上到山上尐尐個時,一眼望落去真係好靚,好似真既咁架。大口仲扮被處死添,好搞笑架。

dsc05678r.JPG

去完長今之後本身諗住去樂天世界,因為亞莎同大口都唔係好玩機動遊戲,所以唔使話要去全日,不過去到先知...佢20周年大裝修...要到7月先重開...亞莎同大口呆左。即時應變,改去第二日既行程,去梨大一帶囉。好在自由行,想改去邊就去邊! Yeah!

dsc05779r.JPG

夜晚再去左東大門,個度好大架!有好多野買。但感覺就好似女人街咁囉。亞莎冇咩點買,不過大口就買左好多啦。外國人果然係唔同,咩都覺得平!不過事實上又真係幾平既。但係亞莎如果返工唔著得既,買咁多都冇用啦。再係夜市食左個超超超超超辣既晚飯...辣死人咩!

【韓國之旅-Day 1】

 | April 28, 2007 23:19

4月28日 星期六 晴

今日(應該話係今晚),亞莎係27號晚趕起所有野,8點幾放工返屋企沖個靚涼先去機場。

去到機場10點幾,等埋大口一齊 Check in 先,跟住莎爸莎媽就返屋企,亞莎同大口係個飯先(大口好肚餓喎)。食飽上機,又再食。

dsc05517r.JPG

由香港去韓國,只要坐4個半鐘,由上機到食完野,就只得番一個鐘既瞓覺時間,亞莎同大口爭取呢個機會瞓一瞓先,因為一到,亞莎佢地就去玩啦!

凌晨 4:30 (當地時間 5:30),嘩,點解咁凍既!!!sana1133283354.gif救命呀!

dsc05523r.JPG

好在亞莎有帶衫,大口就慘了...之後坐機場巴士去酒店,去到都只係 7:30 左右,亞莎同大口先去便利店睇下野,再 Check in。放低哂尐行李就出去玩了。

今日既景點係「皇宮」。亞莎佢地去左景福宮,昌德宮同埋仁寺洞。不詔大口係景福宮差尐瞓著左,唔係個度太悶,而係亞莎佢地實在太攰吧(只係瞓左一個鐘)。亞莎去到仁寺洞個人已經腳步浮浮...哈哈∼∼∼

dsc05634r.JPG

去到仁寺洞,入左去一間野度食韓國出名既「八爪魚餐」,嘩!辣到出汁呀!大口同亞莎即時變左 Q 太郎囉。下次真係要小心尐。不過亞莎杯「柚子茶」就真係一流了!sana1058742890.gif

dsc05642r.JPG

Bad Behavior has blocked 239 access attempts in the last 7 days.