【月經會又飯局】

 | May 1, 2012 23:24

12年5月1日 星期二

今日係五一,一早約好左月經會上大妹屋企玩呢!是日目的地-鰂魚涌 – 又一個亞莎覺得可怕既地方。去到亞莎第一個到,大妹就係地車站等亞莎佢地。大妹,亞莎,魚魚同魚魚妹先去攞位,大妹話有間上海野好好食架!真喎,真係好好食喎!亞莎佢地叫左好多野食呀!

食飽就上大妹屋企,大妹屋企好靚呀,好多得意野,放得好整齊呢!好可愛!一屋都好溫馨既感覺呀!兩口子既家好溫暖呢。之後就開始玩啦。波肥有 Xbox,亞莎第一次玩 Xbox 咋!好得意呢!今日玩賤兔,好好笑呀!笑到亞莎佢地個個都碌地呢!之後就玩 Card Game 亞莎都係第一次玩咋!掘金之路好好玩,又有分好人同壞人!之後又玩狼人遊戲,亞莎第一局係狼呀!不過第二局仲慘,戀上一隻狼呀∼∼∼哈哈哈哈∼∼∼再之後仲玩雞場同整手手遊戲呢!好搞笑呀!哈哈哈哈∼∼

玩完又食完之後就再發去行街啦。小寶佢地話九龍灣個間店大減價所以去喎,亞莎未去過呀,咁都去啦。原來係亞莎之前都有同大口行過既,不過係係尖沙咀呢。亞莎就係係個度先認識監獄兔既呢!哈哈∼∼∼亞莎今日都有收穫呀!買左雙獅呀!好靚好靚呀∼∼∼∼

No Responses to “【月經會又飯局】”

Care to comment?

Bad Behavior has blocked 1577 access attempts in the last 7 days.